中銀拍賣「慈善珍藏版」紀念鈔 - 20171020 - 報章內容 財經 - 明報財經網

中銀拍賣「慈善珍藏版」紀念鈔

文章日期:2017年10月20日

【明報專訊】中銀香港前日啱啱完咗百年華誕紀念鈔認購,噚日就公布「慈善珍藏版」發售詳情,全部夾埋有388張,都係分單張、3連張同30連張,而且鈔票上的都是靚冧巴,呢次仲買一送一,每套跟多1張999足金金頁(圖),設計同紀念鈔一樣。

每套跟多張999足金金頁

慈善珍藏版紀念鈔分做7款,全部拍賣競投。今次都係限香港身分證持有人參加,每人只能夠喺每款揀1個心水鈔票冧把競投,由今日至11月8日可以網上下載或到分行索取表格,連埋支票同回郵信封寄去指定郵政信箱,11月30或之前就會知結果。

至於珍藏版炒唔炒得過,小琴搵咗做開錢幣買賣嘅「香港真藏(荃灣)」負責人張頌昇請教,佢話因為用投標發售,所以再賣出去都唔會再有幾多水位。至於普通版紀念鈔認購,小琴打聽過,似乎反應就唔太踴躍啦。

[小琴密語]