七成散戶炒股 靠朋友家人意見

文章日期:2017年9月28日

【明報專訊】港人「冧巴降」纏身,投資者教育中心上個月就香港投資者行為進行調查,訪問500人裏面,接近一半人過去一年有買股票,但只有唔夠一成人投資前會閱讀相關財務文件,四分之三受訪者更只係依賴朋友及家人意見,就當做咗功課去投資。中心總經理李博衛就話,喺澳洲及新西蘭等市場,投資者徵詢專業意見嘅比例較高,香港業界要諗吓點樣加強市場信心,同時投資者做決定時都應該充分了解多方意見,佢又提到自己1980年代時都試過買股票損手,深明做足功課有幾重要。

恒指今年累計升幅達26%,李博衛就叫投資者採取長線投資策略,同埋留意利率上升對信貸產品嘅影響,尤其係按揭貸款風險,當利率升至2厘到4厘時,負擔會明顯加重,父母幫子女付首期在港亦比外地常見,他話主要係因為樓價高企,年輕人要父母幫手,不過就話置業人士亦需要注意供樓風險。

email: piano@mingpao.com

[小琴密語]