樂視向賈躍亭「追數」 - 20170922 - 報章內容 財經 - 明報財經網

樂視向賈躍亭「追數」

文章日期:2017年9月22日

【明報專訊】早前樂視財困,搞到集團嘅供應商同銀行要入稟法院,甚至上門追數,樂視噚日發表公告,不過內容就唔係集團又被人追數,而係向創辦人兼前董事長賈躍亭「追數」!你話世事真係幾咁奇妙呢?

原來早前樂視財困嘅時候,賈躍亭承諾會賣咗手上嘅股權,再將套現所得嘅資金全部借畀公司還債,由2015年至今,賈躍亭已經借咗113.44億元人民幣畀樂視,不過樂視網喺9月19日晚發布咗保薦機構中德證券對公司嘅報告,話賈躍亭喺今年上半年無繼續將套現所得資金借畀公司,仲話由於賈躍亭已經被人凍結資產,未來都未必可以履行承諾。

[小琴密語]