騰訊拍電視版《網球王子》 - 20170919 - 報章內容 財經 - 明報財經網

騰訊拍電視版《網球王子》

文章日期:2017年9月19日

【明報專訊】雙馬近年大舉進軍影視行業,坐擁網上文化平台閱文,同埋大量漫畫小說IP資源嘅騰訊(0700),尤其喜歡搞動畫、真人電視劇、電影一條龍,最近畀佢揀中嘅焦點,除咗打網球打到可以殺人嘅《網球王子》,仲有香港土炮漫畫《西遊》,都可能會拍成真人電視劇!

港漫《西遊》亦將拍電視劇

騰訊影業喺啱啱個周末舉行發布會,宣布嚟緊一年嘅大計,總共43個項目入面,首推已經連載完畢嘅日本漫畫《網球王子》真人電視劇最受注目,因為原著出名誇張,唔單止啲網球打到違反晒物理定律,有啲個波勁度仲殺得死人,電視劇點樣呈現效果認真考起。至於今次成功反攻內地嘅《西遊》,其實好早已經畀騰訊睇中,攞咗漫畫授權喺內地用《西行紀》名稱網上連載,作者係香港漫畫家鄭健和,主要講述《西遊記》原著結束後嘅故事,今次將由騰訊影業同百奧(2100)合作策劃拍電視劇同出品手遊,認真威水。

email: piano@mingpao.com

[小琴密語]