印度石油大亨膺胡潤「一帶一路首富」 - 20170707 - 報章內容 財經 - 明報財經網

印度石油大亨膺胡潤「一帶一路首富」

文章日期:2017年7月7日

【明報專訊】中國成日都講一帶一路,胡潤研究院噚日就發布咗《2017胡潤一帶一路富豪榜》,報告喺63個一帶一路沿線國家搵到374位十億美金富豪,首富就係印度石油大亨安巴尼。

喺咁多個國家入面,印度擁有最多「10億美金富豪」,有100位上榜,其中醫藥業就最多上榜富豪,共有20位。同大家預計嘅一樣,一帶一路沿線國家嘅上榜企業家入面,從事金融服務行業嘅最多,佔咗10%;其次係能源,佔9.4%

內地501人擁10億美金身家

另外,胡潤喺大中華區搵到609位10億美金富豪,比去年增加41人,其中中國大陸就有501位。上榜富豪嘅淨資產總額達到11萬億元,平均年齡58歲,比其他一帶一路沿線國家嘅上榜企業家平均年齡細8歲。胡潤就話:「中國企業家的影響力在一帶一路國家中遠遠第一,不管是從超級財富創造者的總人數(1.6倍),還是從財富總量上,况且還更年輕。」其實講咁多,最終佢哋似乎想話畀大家聽,中國嘅企業家比其他一帶一路嘅國家嘅企業家做得更好。

email: piano@mingpao.com

[小琴密語]