朱太﹕欣賞葉劉最全面 - 20170302 - 報章內容 財經 - 明報財經網

朱太﹕欣賞葉劉最全面

文章日期:2017年3月2日

【明報專訊】林鄭月娥成功入閘,成為特首候選人,其中一張提名票嚟自最近榮升成為香港女首富嘅朱太朱李月華。噚日朱太出席活動時少不免都要回應吓呢個問題,佢一開始就一視同仁咁話3名候選人都各有所長又各有所短,其中林太就全面啲;然後忽然話鋒一轉,話其實佢覺得最全面嘅係葉太(葉劉淑儀),但就好可惜葉太入唔到閘。咁小琴就唔明啦,點解朱太唔提名葉劉呢?

對於三名候選人,朱太就認為,林太做咗咁多年政務司長,可能佢對金融方面未必太熟悉,但就成立金融政策小組,所以覺得佢比較全面;又話曾生擔任官職多年,但就比較專注喺金融方面;胡國興雖然好叻,但就略欠全面。

咁朱太係咪會投番畀林太先?佢就笑住話仲有廿幾日先投票,會再參考三名候選人嘅政綱先再作決定咁話喎!

[小琴密語]