「see see TVB」專頁 大台fb玩自嘲

文章日期:2017年1月26日

【明報專訊】大台作風一向好有「矜持」,但自從「中國梅鐸」黎瑞剛入主咗之後,似乎都有小小轉變,最近facebook出現了個page叫「see see TVB」,不單止諧音同網民CCTVB的「謔稱」一樣,內容還不時會攞番大台電視劇來開玩笑,但呢個page似乎真係由大台擁有,仲由一個叫「無記網(see see TVB)」的公司營運。

攞大台電視劇開玩笑

記者看過,這個page在去年下半年開始營運,現在約有3.6萬like數。入面的post主要都同大台有關,玩法仲有小小似《毛記電視》,例如昨日就四圍找街坊做賀年有關的街訪;經常被網民批評的電視劇,有時都會拿來開玩笑。

TVB向來神聖不可侵犯,所以記者以為這個page同大台無關,哪知原來TVB旗下有一家叫無記網(see see TVB)公司,似乎這個網真的是無綫設立的,如此看來,黎生都幾識玩social media。

相關新聞