耀才周年晚宴 葉茂林豪派百萬

文章日期:2017年1月23日

【明報專訊】年近歲晚,耀才(1428)前晚公司周年晚宴,雖然無咗經常「騷肌」嘅大隻佬郭Sir郭思治,不過最重要係主席葉茂林繼續派錢,成晚現金加獎品派咗成百萬,相信員工應該好滿意。

耀才噚晚在銅鑼灣一間酒樓開26圍,將會喺2月底離職嘅郭sir嗰晚就冇現身,得番行政總裁許繹彬傍住葉茂林敬酒,當晚參加嘅超過300位員工,每人入場都先袋500蚊利是,不過葉老闆真係有鋪畀人嗌「加碼」癮,玩過遊戲抽晒機票、iPhone等獎品後,員工又例牌起哄要求老闆加碼,結果無獎品嘅幾乎每人再得500現金獎,每人至少1000落袋,成晚葉老闆派咗成百萬,雖然近年證券生意麻麻,員工們總算可以開心番晚。

[小琴密語]