福布斯中國富豪 姚振華躍進十大 - 20161028 - 報章內容 財經 - 明報財經網

福布斯中國富豪 姚振華躍進十大

文章日期:2016年10月28日

【明報專訊】噚日福布斯公布2016年中國富豪榜,大家當然最關心邊個係首富,小琴可以好負責任咁話畀大家知,頭三甲排名同早前公布嘅胡潤榜一樣,由萬達集團總裁王健林以330億美元高踞榜首,馬雲同馬化騰就以282億及245億美元身家分列第二、三位,繼續保持「一王二馬」格局。

雖然頭三甲無驚喜,但都唔代表今次富豪榜結果冇新意。首先,喺呢一年成為內地風頭人物、一手促成萬科(2202)股權之爭,且為大家帶來唔少茶餘飯後話題嘅寶能集團董事長姚振華,就以95億美元身家,由上年排300幾名一口氣躋身入十大富豪之列,排名第10。

漢能李河君百名不入

正所謂風水輪流轉,姚振華急速上位同時,前兩年都做過首富嘅漢能集團主席李河君,自從去年5月旗下漢能薄膜(0566)暴跌再被勒令停牌之後,可以話一蹶不振,今年富豪榜仲跌到100名以外。

[小琴密語]