被問港交所打擊殼股 曹貴子:唔想回應

文章日期:2016年8月11日

【明報專訊】由兒科醫生變成股壇活躍人士,康健國際(3886)創辦人曹貴子近年落力發展慈善事業之餘,亦經常被傳同唔少殼股扯上關係,佢噚日現身自然有人問佢點睇港交所(0388)「出招」打擊殼股,不過佢笑笑口一句「唔想回應」就閃咗啦。

旗下基金會捐錢畀教育大學

曹醫生旗下「曹貴子基金會」捐咗筆錢畀香港教育大學,大學將校內行政大樓命名為「曹貴子基金會大樓」,噚日就舉行命名典禮;曹醫生話,之前已經有捐款畀唔同項目,今年就主力資助香港教育大學,因為其他大學已經有好多人關注,加上教育大學主力培訓老師,將來可以幫助唔同學生,比只係資助個別學生嘅範圍更廣同有意義。

曹醫生亦都唔願意透露捐款金額,話「做善事係講心唔講錢」,唔想以個別捐款作為標榜。佢希望有機會參與教育大學嘅未來發展,亦唔排除日後會有更多資助項目。

email: piano@mingpao.com

[小琴密語]