「錢家有道」流動車 落區教理財

文章日期:2016年7月7日

【明報專訊】投資者教育中心早排推出「錢家有道」教育平台教人理財,最近仲效法金管局整咗架「錢家有道」流動理財教育車,實行通街走,四出教人理財。

「錢家有道」流動理財教育車,即日起至8月2日會穿梭港九新界,同大家玩遊戲,亦會舉辦有獎急口令比賽,希望教導市民制定收支預算,踏出財務策劃的第一步。流動車亦會在校園出沒同各位學生哥見面。

載歌載舞 同街坊玩遊戲

聽講周末「錢家有道」各家庭成員仲會係街頭載歌載舞,順便誠邀大家同佢哋一家人影相𠻹!前幾日已經有好多小朋友同「錢家」家庭成員玩遊戲同握手合照。參加者更可獲贈精美禮品,數量有限,先到先得,送完即止。大家記得把握機會,不過舞蹈表演加學習金融理財,小琴都唔知講咩好。

不過大家留意流動車活動路線或會視乎天氣及路面情况作出調整,如果想知最新情况,請留意「錢家有道」facebook 專頁啦。

[小琴密語]