敢說亮話

湯文亮:休漁期後買魚策略

文章日期:2018年12月18日

【明報專訊】有不少老友笑我睇錯市,我認為今次凱滙推售最多可以賣到八成,誰不知又一Q清枱。老實說,我不是睇錯市,是我忘記今次凱滙有二千幾個單位,488個單位是第一浪,如果銷售成績理想,甚至一Q清枱,信置(0083)會加推另外幾百個單位,所以,物業代理會非常戮力,希望可以做到沽清,事實上又如他們所願,首輪沽清之後,信置立刻加推,連新地(0016)雷霆亦話行家開紅盤,他們亦會立刻推盤應市,這點大家應該明白,唔通任由信置吸盡市場上的購買力咩。所以,今次凱滙一Q清枱是有其理由。

雖然今次凱滙是一Q清枱,但我始終認為最後20%揀樓人士是不用太心急,因為不但凱滙會加推,而且其他新樓盤陸續有來,有機會可以用同樣或者更低價錢買到更好單位,太早入市,可能很快就會感到後悔,他們應該稍等一會,樓市不會因為一個新樓盤首次推售一Q清枱而轉勢。

多等一會才買到靚貨

不少人有類此經驗,就是在休漁期結束之後立刻去買海鮮,雖然漁船源源不絕回航,但買海鮮的人更多,優質海鮮很快便被掃清,不少人去到街市買不到優質海鮮,但不想空手而回,便會買一些次優質海鮮,但價錢絕對不廉宜。如果那些人願意多等幾日,當大量漁船回航後才去買海鮮,到那時候,買海鮮的人亦會減少,他們就會有機會買到一些又廉宜又靚的海鮮,很多精打細算的家庭主婦都明白這個道理,她們不會在休漁期後第一時間去買海鮮,最低限度不會買一些售價高而品質是次一等的海鮮。不過,家庭主婦始終是識得細算,但當要買樓大算的時候便忘掉一切,急不及待買入新樓盤的最後20%單位,以為唔買就以後都買唔到,或者要付更高樓價。

合理價新盤陸續有來

事實上,除非其他地產商浪費正在衍生的購買力,否則的話,將會有更多樓盤推出,價錢會愈來愈合理,買樓不需要精打細算,而是要粗枝大算,在樓市下跌之際,品質不佳,價錢不合理就唔好買,很快又會有另外一個新樓盤推出市場。

紀惠集團行政總裁

[湯文亮 敢說亮話]