昨日走勢比預期弱，美股又再次捱沽，主要受金融股帶動下跌，亞洲區股市亦全線受壓，預計今日港股亦會低開，恆指及H股分別有機會下試28,000點及16,800點左右，不過走勢未必太淡，因為港股昨日已先行下跌。

趁低吸納，應優先考慮中資金融股份，國內公募基金恢復發行，與及QFII準備擴容，對A股應有推動的作用，預計A股可以再度轉強，屆時H股表現應比大市為佳。大市應該已見底，進入一個大型上落市之間運行，既然今日低開，建議在16,850買入，以16,400止蝕，目標為17,450，要有持倉過夜的準備，如果嫌風險太高的話，就可改用認購期權長倉取代。至於股份方面，資源價格下滑，應趁機會收集石油股及黃金股。