【有片:財經花生】狂人上場 驚嚇未完!

文章日期:2016年11月9日 19:12

美國總統大選塵埃落定,共和黨特朗普爆冷入主白宮,穩奪超過270張選舉人票擊敗民主黨希拉里,16年後再次為共和黨取得總統一職,宜家共和黨仲繼續掌控參議院及眾議院,簡單嚟講即係「狂人」有機會強勢執政!未來一定大把好戲。

至於選前一直被指90%機會當選的希拉里,今日卻被特朗普拋離,令整個金融市場大跌眼鏡。

特朗普當選,被視為全球最大隻「黑天餓」,嚇到全球股市「騰騰震」,資金火速避險,金價升穿1300美元;圓匯急升至101;搞到日股重挫,收市跌近千點或5%,為亞洲區最傷﹗港股都冇眼睇,晏晝開市一度跌近千點,好彩收市跌幅收窄至500點。

市場咁震驚完全可以理解嘅,皆因新政黨上場,充滿未知數,但面對金融市場如此瘋狂,實情又唔需要太慌張,因為可能只係短期波動。根據彭博統計,自1928年以來的22次總統大選中,標普500指數有15次係大選後翌日下跌,平均跌幅近2%,不過其中有9次,股市係未來12個月會逆轉上揚。

不過講開又講,今次思想異於常人的特朗普當選,除了拖累股市,仲蔓延至商品同匯市,影響可謂幾全面下!令到日本央行同韓國國家安全委員會都話要就美國大選結果召開緊急會議,加拿大個邊既主要移民網站更多次癱瘓....真係驚到要「走佬」!

中國人有句說話叫「禍不單行」,即將在12月舉行的意大利憲法改革公投,大家看來也要做好心理準備,呢次公投分分鐘會引發意大利以至成個歐洲的政治及經濟動蕩,觸發歐洲金融危機等連鎖效應;仲有明年舉行的德國大選呢,如果又再出現驚人賽果,到時真係要唱返句「世界末日到了麽?.....」

撰文:周佩施、旁白:陳迪麟

Like「明報財經 mpfinance」fb專頁!

相關新聞

股票名稱現價升跌$升跌%
0144 招商局港口27.050.501.88
0005 匯豐控股76.650.500.66
0101 恆隆地產18.520.120.65
0011 恆生銀行181.500.700.39
1109 華潤置地27.200.100.37
更新時間:2017-09-19 16:08
股票名稱現價升跌$升跌%
0494 利豐3.84-0.12-3.03
0688 中國海外發展28.45-0.75-2.57
0151 中國旺旺5.26-0.12-2.23
0322 康師傅控股11.78-0.26-2.16
0762 中國聯通11.02-0.16-1.43
更新時間:2017-09-19 16:08:21