【有片:今日焦點】究竟本港零售市道喺咪重現曙光?

文章日期:2016年10月26日 20:42

本地零售商莎莎(0178)星期一公布最新業務數據,話今年「十‧一」黃金周,旅客人數多番(訪港旅客人數按年升7.5%;內地旅客人數按年增長7.1%),港澳零售銷售按年升咗近14%,同店銷售亦升左超過12%;盤數咁「靚仔」,連帶股價都升足三日,累升12%,部分零售股都借勢炒上,唔通本港零售真係重現曙光?

不過,服裝零售商I.T.0999)又唔同講法喎!話受港元強勢同消費意欲疲弱影響,今個黃金周嘅銷售表現遜色,業績仲反映本港市場經營虧損擴大到1.4億元;其他零售商,歐舒丹(0973)、周大福(1929)嘅本港嘅同店銷售都有跌無升,唔通真喺受「口紅效應」影響? 唔係間間公司都受惠?

有分析員就覺得,黃金周數據好,都只不過喺同比基數太差啫!仲話零售始終同經濟掛鉤,而宜家本港經濟又無咩起色、外幣又喺咁貶值,預言呢個「零售寒冬」未咁快完呀!佢仲話,內地客有錢都拎落黎買樓喎!

另外有分析話,宜家嘅天氣都不利零售市道,如果好似上年咁,凍得幾日,而今年農曆新年又黎得早,分分鐘呢啲舖頭都會提早減價添!

如果零售市道唔轉勢,咁近期回升的零售股,又買唔買得過呢? 有零售分析員就話,散戶可以考慮下莎莎同歐舒丹,其中因為最近內地調整咗化妝品消費稅,高檔化妝品嘅調稅率更加由原來30%減半,去到15%,普通化妝品更加唔徵稅;化妝品零售商應該會受惠喎!

撰文:賀慧恩、連綽瑤

●Like「明報財經 mpfinance」fb專頁!

 

相關新聞

股票名稱現價升跌$升跌%
0322 康師傅控股10.000.282.88
0992 聯想集團5.140.061.18
0386 中國石油化工股份6.350.071.12
1299 友邦保險49.800.501.01
0293 國泰航空11.300.100.89
更新時間:2017-03-29 16:09
股票名稱現價升跌$升跌%
1109 華潤置地21.55-0.35-1.60
1113 長實地產52.75-0.70-1.31
2319 蒙牛乳業15.20-0.18-1.17
0135 昆侖能源7.11-0.06-0.84
0001 長和96.35-0.55-0.57
更新時間:2017-03-29 16:09:41