【有片:今日焦點】究竟人民幣見底未呢?

文章日期:2016年10月25日 20:01

點算呀﹗點算呀﹗人民幣匯價已經連續第四日下跌喇,離岸人民幣(CNH)今早再創有紀錄以來低位,低見6.7885;而在岸價亦一度低見6.7794。人仔係咁貶值,連D內地人近期都湧嚟香港買樓保值,人民幣係咪真係有排跌呢?

睇番啲數據啊!其實自人民幣喺今個月納入IMF(國際貨幣基金組織)SDR一籃子貨幣後,就一路貶值冇停過。在岸及離岸人民幣均累計貶值近2%(在岸人民幣↓1.58%;離岸人民幣↓1.60%(;期間美元指數累計升左3.4%,就嚟去到99水平;唔少人都話係同美國加息預期升溫有關。

雖然人行行長易綱話,係外圍眾多因素影響下,人仔走勢已經相對平穩,而且中國經濟增速會保持喺6.5%至7%,所以人民幣唔存在持續貶值基礎!但佢講嘅嘢又係咪可信?我哋都係聽埋香港嘅分析師意見穩陣D。

星展銀行經濟研究部經濟師周洪禮預計,除咗加息預期影響之外,喺內地GDP增長未觸底,同埋債務、去庫存等問題下,人民幣匯價仍然未到底,會繼續眨值。佢相信,匯價或會喺明年Q3進一步下試至6.9兌一美元水平,所以市民宜家就唔好趁機撈底啦!

咁6.8呢個又係咪真係「鐵底」呢?恒生銀行高級經濟師林俊弘就唔太相信呢個講法。佢覺得咁樣講,即喺話俾大家聽人民幣仲有貶值空間;而宜家市場都睇到,人行對匯價控制、干預已經明顯減少咗,除非貶值速度突然加快,否則中央應該都唔會再出手干預人民幣匯價喇﹗

撰文、旁白:連綽瑤

●Like「明報財經 mpfinance」fb專頁!

 

相關新聞

股票名稱現價升跌$升跌%
0322 康師傅控股10.000.282.88
0992 聯想集團5.140.061.18
0386 中國石油化工股份6.350.071.12
1299 友邦保險49.800.501.01
0293 國泰航空11.300.100.89
更新時間:2017-03-29 16:09
股票名稱現價升跌$升跌%
1109 華潤置地21.55-0.35-1.60
1113 長實地產52.75-0.70-1.31
2319 蒙牛乳業15.20-0.18-1.17
0135 昆侖能源7.11-0.06-0.84
0001 長和96.35-0.55-0.57
更新時間:2017-03-29 16:09:41