【有片:今日焦點】究竟郵儲行仲有冇運行呢?

文章日期:2016年10月24日 20:24

要數近期最觸目嘅新股,非中國郵儲銀行(1658)莫屬喇﹗上市唔夠一個月已經比到唔少人「驚喜」﹗如果要表揚佢既「戰績」,我會頒個「最多國家隊撐場獎」、「最盡忠職守保薦人奬」、「最多錢托價獎」同埋「最佳沉底獎」比佢。

點解我咁講?皆因上星期一,社保基金已經率先減持左800萬股好倉,之後到禮拜四(20日),郵儲行結束左穩價期(穩定價格期),第二日撞正打風港股休市,所以今日一開市,郵儲行已經低開超過1%,之後更一度急挫4%,低見4.57元,創上市以黎嘅新低,你話係咪要頒個「最佳沉底獎」比佢先。

至於「最多國家隊撐場奬」呢,眾所周知,郵儲行上市時真喺「星光熠熠」架!基礎投資者有國家電網、中國船舶、長城資產等國家隊;而上市前戰略投資者亦有瑞銀、螞蟻金服、騰訊(0007)等,就連我哋嘅超人誠哥都有俾面,透過買入一批股票掛鈎票據(ELN)持有H股大約11.62%權益,仲講到明係長線投資添。你話勁唔勁先?

如果你諗住咁多粒星護航實冇死啦!sorry r,郵儲行由上市至今,股價表現都麻麻地;上市首日保薦人高盛已經要築起「護城牆」,等股價可以守係招股價水平收市;到左第二日,高盛繼續要護盤,掛出大量買盤,先令到佢嘅收市價較招股價微升0.2%咋,係咪「最盡忠職守先」﹗保守估計,由佢上市至穩價期個20日入面,高盛累計攞左82億出黎買左17億股,仲唔係「最多錢托價」?

咁究竟郵儲行仲有冇運行呢?【智易東方證券行政總裁】藺常念就話,除非所有基礎投資者一致同意唔再沽貨,否則郵儲行喺壞帳影響、前景唔樂觀下,基本上冇得升。佢唔建議散戶趁低吸納,仲話「三十六計,走為上計」喎!

至於【香港奧國經濟學院院長】王弼就話,今次郵儲行基本上全部都由中資企業「塘水搵塘魚」,加上郵儲行嘅PB(市帳率)高,以1倍PB上市,老實講洗乜買佢啊!佢又話,郵儲行資產分分鐘跌到農行(1288) 咁,散戶都喺唔好買呢隻啦!買咗嘅,就「早沽早分手」啦!

撰文、旁白:連綽瑤

●Like「明報財經 mpfinance」fb專頁!

相關新聞

股票名稱現價升跌$升跌%
0017 新世界發展11.220.181.63
更新時間:2017-09-22 16:09
股票名稱現價升跌$升跌%
0144 招商局港口23.90-1.10-4.40
1109 華潤置地25.65-1.05-3.93
0688 中國海外發展27.30-0.65-2.33
0151 中國旺旺5.20-0.10-1.89
0388 香港交易所215.40-3.80-1.73
更新時間:2017-09-22 16:09:18