【有片:今日焦點】點解誠哥都玩VR?

文章日期:2016年10月19日 20:06

近排個個都話要搞VR(虛擬實境),就連誠哥都唔執輸。佢嘅「維港投資」今次就聯同美國二十世紀霍士電影公司等財團,投資左近兩億港紙(2500萬美元),比VR動畫公司龍頭之一既Baobab工作室喇﹗

誠哥呢間「維港投資」係2006年成立,呢14年間累計入股咗70幾間前端科技創業公司,好似我哋平時成日用嘅Facebook,聽歌APP Spotify,佢都有份投資架!講到喺潮人都玩嘅AR(擴增實境),誠哥當然都唔會放過,早喺4個月前先落注咗矽谷AR初創公司Meta!宜家仲要掂埋VR,真喺唔夠佢玩啊!

今次佢投資嘅公司,來頭都唔野少架!Baobab最新推出左互動VR動畫《Invasion》第一集,喺個阻止外星人破壞地球嘅故事,仲請埋美國著名影星Ethan Hawke旁述。一推出咋,就已經成為一眾主要數碼平台(三星、WithinHuluOculus)最多下載短片啦!

其實VR唔止得動畫架!佢嘅硬件都好有Market,事關睇VR最好配備埋相關裝置,好似眼鏡、頭盔、全景相機等等,所以FacebookGoogleHTC等科網企業都玩埋一份,推出相應產品。VR嘅發展潛力可想而知啦﹗

不過,蘋果公司CEO Tim Cook就反其道而行,覺得AR發展潛力相對高啲。因為用家可以將體驗表達分享返俾朋友;相反VR就封閉啲,只喺遊戲同教育兩方面較佔優!佢又話,宜家好多公司都衝晒去VRAR嘅競爭會比較少添!

不過計小編話,科技呢家野日日新鮮,分分鐘過幾日又有新技術推出,所以真喺好難講邊個會勁啲啊!

撰文、旁白:連綽瑤

●Like「明報財經 mpfinance」fb專頁!

 

相關新聞