投資二三事

周顯:DQ事件的真真假假

文章日期:2017年8月11日

【明報專訊】有關華多利(1139)被DQ事件,據知情人士說,事情的經過是咁的(唔知真定假):

好多年前,隻嘢畀阿某君做莊,因為批股次數太多,大股東已經失去了controlling,市場一直傳聞,有人想食咗隻殼𠻹。後來公司想注入資產不遂,反而被長期停牌,老闆搞了好多年,終於在馬會之中,見到了某位有力人士,向他訴苦,沒過幾天,公司便復牌了。

其實在復牌之後,莊家已經不是某君了,不過由於某君已經是最惹火的人物,因而殃及池魚,咪查佢查到飛起囉。其實,要求華多利注資,信來信往,已經有半年了,華多利也已經很有誠意地,意圖注入某些業務,但當局一直不准。其實要否決注資,十分容易,因為注入的業務,一定有問題……如果又大隻又乾淨又賺錢,就自己IPO上市啦,使鬼注入去上市公司咩。

前莊家惹火 殃及華多利被盯上

所以,基本上,這事件是有心玩死華多利。知情人士說,相信是和某君有關,但其實,華多利已經同某君撇清了關係,不過人哋係要入埋佢數,都無辦法。

多謝各位,《私人會所》在本月25日在朗豪坊的優先場已賣掉了九成票,現在開賣26號……我問監製:「喂,使唔使開咁多場優先場呀?」

監製的回答是:「院商會看優先場的反應,決定給幾多間戲院上映,多戲院上映,票房咪高囉。」

唉,我哋炒隻股票,秒秒鐘幾十萬上落,一隻股票的贏輸,一千幾百萬平常事,但電影只不過是希望有500萬至800萬票房啫,已經要跪求買票了,真的是電影生涯真坎坷呀!

[周顯 投資二三事]