投資二三事

周顯﹕老闆輸到賣殼 股票梗係走樣

文章日期:2017年1月10日

【明報專訊】前兩天,經理人Phemey來電,問我一個財技上的問題:「嗰隻股票點解供股後的走勢咁樣嘅?好奇怪噃,乜佢唔係想供乾㗎咩,點解會行成咁㗎?」

我說:「因為老細輸到連殼都賣埋,咁隻嘢梗係走樣啦,呢隻嘢,我都以為供乾咗,買了幾百萬股,都暗啞底輸咗幾十萬,痛到出唔到聲啦。」

Phemey說:「咁你又唔寫出來?」

我說:「朋友的慘事,費事講啦,好hurt家嘛,而家你問到,就無辦法,唯有照講啦。」

所以,這次講股票,都無開名同冧巴,請讀者見諒。

以為供乾 暗啞底輸幾十萬

說回當日和Phemey的聚會,是吃韓牛宴。其實講到食牛肉,水煮牛、炒肉片,當然是中國黃牛;日本shabu shabu就是和牛;牛扒,是西方牛;但是燒牛肉,就是韓牛最好吃。以前在香港吃不到韓牛,只有到韓國去吃,還要規定點韓牛,皆因韓牛在韓國,也是高檔貨色,一般的烤肉店,吃的是美國牛。

香港吃韓式燒牛肉,也是美國牛,這一次引入的韓牛,是第一次,價格當然不廉宜,一天入一隻牛,來貨價要六位數字,散賣出去,一年的銷售額就是七八千萬元了。這筆大生意,是「易還財務」(8079)的最新投資之一,順帶一提,應該也有不少年輕的讀者有興趣,負責這項目的,是它的operation manager蕭瑤瑤小姐。

我吃了一頓,最懷念的,是其韓式生牛肉。Yuke是我的至愛之一,去食韓式燒烤,必定會叫,因為沒有Yuke的,一定不是高級韓牛店,而這味菜是韓式燒烤試金石,一吃就知此店正不正宗,新不新鮮。如果你問我,這一次的味道怎樣,我會回答:「我已book了再去,就是為了它的Yuke!」

[周顯 投資二三事]